أنتي حقي سمرائي بقلم سعاد محمد

من جسمك
ثم تبسم وقال بخبث هيتغذى من عضمك وسنانك
وأنتى الى هتتعبى بعدها وتعجزى بدرى.
ردت سمره أنا أساسا حاسه أنى عجوزه وأنى عندى مېت سنه مش جديده عليا ودلوقتي خد الأكل ده من قدامى انا مش هاكل وعاوزه أنام.
تنهد عاصم وهو يقف قائلا طب تصبحى على خير أنا هنزل أنام.
نظرت له قائله هتنزل تنام فين
رد عليها ببساطه هنزل أنام تحت فى أوضتى.
تحدثت سمره وأنا هنام هنا فى الشقه لوحدي زى ليلة أمبارح
أنت عارف أنى بخاف.
تنهد يقول سيبى النور مولع وهبعتلك سنيه تجى تنام هنا معاكى فى الشقه.
ردت پغضب دا سنيه پتخاف أكتر منى
أنا هنزل أنام تحت أنا كمان
قالت هذا وأزاحت الغطاء ونزلت من على الفراش
وأتجهت الى الدولاب وأخرجت مئزرا وأرتدته فوق منامتها وأيضا طرحه لفتها حول شعرها بعشوائيه
وسارت أمامه دون تحدث
بينما هو يسير خلفها يزفر أنفاسه بسبب عنادها
خرجت من الشقه ونزلت بعض درجات ثم وقفت قليلا تميل تمسك بطنها
أنخض عاصم ووقف جوارها يمسكها قائلا
سمره مالك حاسه بأيه أطلبلك الدكتور
مال يحملها قائلا بعصبيه قولتلك قلة أكلك وعنادك هيأثروا عليكى.
لفت يديها حول عنقه قائله وأنا فارقه معاك ولا حاسس بيا
نظر عاصم لعيناها الدامعه دون مقدمات أحنى رأسه يقبلها برقه
لكن قطعت اللحظه حين سمعا نحنحه.
ترك عاصم شفاه سمره ونظر أمامه
أما سمره خجلت أن تنظر لمن يتنحنح وأخبئت وجهها بصدر عاصم .
تحدثت وجيده بغلظه واقفين بالمنظر ده عالسلم مش مكسوفين عندكم شقه تداريكم لازمته أيه الى بيحصل عالسلم ده.
تبسم عاصم يقول
أنا كنت نازل أنام تحت فى أوضتى وسمره أصرت هى كمان تنزل تنام تحت ومقدرتش تنزل السلم زى ما أنتى شايفه شلتها.
تبسمت وجيده قائله مقدرتش تنزل السلم أنما قدرت تسيبك تبوسها عالسلم بلاش قلة أدب وأرجعوا لشقتكم وأحمدوا ربنا أن انا الى شوفتكم المره دى كمان دى مش أول مره أشوفكم بالمنظر المخل ده أنا كنت جايه أطمن على سمره قبل ما أنام بس واضح أنها بقت كويسه بعد سنيه ما قالت أنها مش راضيه تاكل يلا تصبحوا على خير.
تبسم عاصم يقول وأنتى من أهله يا ماما.
نظر عاصم لسمره التى تدفس وجهها بصدره وقال باسما خلاص أرفعى وشك ماما نزلت.
رفعت سمره وجهها المنصهر من صدر عاصم ونظرت له بخجل.
تبسم عاصم على خجلها وقال تحبى أنزلك لتحت ولا ترجعى للشقه تانى.
ردت سمره براحتك بس بقول نرجع للشقه تانى أحسن.
قال هذا وتوجه الى باب الغرفه
شعرت سمره بتغير عاصم وقبل أن يغادر الغرفه قالت بدلال
أنا جعانه.
عاد عاصم نظره لها قائلا صنية الأكل جنبك عالسرير.
نظرت سمره لصنيه الطعام بأشمئزاز قائله
بس أنا ماليش نفس للأكل ده أنا عاوزه أكل تانى.
رد عاصم قولى عاوزه تاكلى أيه وأنا أخلى سنيه أو أى حد من الشغالين يعمله ليكى.
ردت سمره بس الأكل الى انا مش عاوزاه مش فى البيت.
رد عاصم ليه عاوزه تاكلى أيه
ردت سمره عاوزه سندوتشات فول وطعميه ومعاها
قاطعها عاصم متعجبا يقول سندوتشات أيه
فول وطعميه الساعه حداشر ونص بالليل.
ردت سمره بتذمر كالأطفال والله نفسى رايحه لهم ومش هاكل غير سندوتشات وتكون من مطعم فول وطعميه مش معموله هنا فى البيت.
تحدث عاصم كمان.
ردت سمره مش أنا الى عاوزه ده أبنك الى فى بطنى هو الى عاوز.
تحدث عاصم أبنى عاوز ياكل سندوتشات فول وطعميه نفسه هفته عليهم الساعه حداشر ونص بالليل وفى ليالى الشتا أقولك يا سمره كلى الأكل ده دلوقتي والصبح أوعدك أخليهم يجبولك سندوتشات فول وطعميه من المطعم.!
تذمرت سمره قائله بعناد
لأ مش هاكل يا تجبلى السندوتشات يا هنام جعانه أنا وأبنى.
رفع عاصم يديه يتخلل شعره بأصابعه وهو ينظر لعناد سمره فأخرج هاتفه وقام ببحث على الهاتف عن أقرب مطعم سندوتشات
الى أن وجد مطعما فقام بالأتصال عليه الى أن رد عليه المطعم
تحدث عاصم لمن رد عليه قائلا لو سمحت خليك معايا ثم أعطى الهاتف لسمره قائلا
أتفضلى أطلبى الى عاوزاه.
تبسمت سمره
وهى تأخذ الهاتف من عاصم وقامت بتملية من يرد عليها بما تريد الى أن أنتهت ونظرت لعاصم تعطيه الهاتف قائله أتفضل مليه العنوان.
تعجب عاصم مما طلبت سمره وأخذ منها الهاتف قائلا بصوت منخفض يعنى طلبتى ده كله ووقف معاكى العنوان.
تبسمت سمره
قام عاصم بتملية عنوان البيت للمطعم ثم أغلق الهاتف ينظر لسمره قائلا قال قبل ساعه هيكون الطلب هنا فى البيت.
ثم وضع الهاتف على طاوله جوار الفراش ونظر لسمره الباسمه وتبسم هو أيضا بخفاء.
قبل من ساعه
رن هاتف عاصم فقام بالرد عليه قائلا بأختصار أيوا أنا الى طلبت الطلب ده من المطعم هاته منه وحاسبه وډخله لسنيه وقولها تجيبه لعندى فى الشقه.
أغلق الهاتف ونظر لسمره قائلا طلبك وصل كلها دقايق وسنيه تجيبه لهنا بس أياك وقتها متغيريش رأيك وتقولى مش هاكل.
ردت سمره بفرحه لأ هاكل متخافش
تبسم عاصم وسمع رنين جرس الشقه فذهب وفتح
دخلت سنيه الى الغرفه وهى تضع تلك الأكياس على صنيه.
تحدث عاصم لها حطى الصنيه دى وخدى الصنيه التانيه.
فعلت سنيه ما أمرها عاصم به وغادرت الغرفه.
قرب عاصم تلك الصنيه من سمره قائلا
أتفضلى طلبك.
تبسمت سمره وهى تجلس مستعده لتتناول السندوتشات وقامت بفتح الأكياس واخراج سندوتش وقبل أن تأكل قالت لعاصم وأنت مش هتاكل معايا.
كان عاصم سيرفض لكن خشي لو رفض الأكل معها قد تغضب ولا تأكل فقال لأ هاكل معاكى قال هذا وجلس على الفراش ومد يده يأخذ من السندوتشات فتحدثت سمره بتحذير قائله متاكلش من سندوتشات الطعميه أنت عارف أنى مش بحب سندوتشات الفول.
زفر عاصم نفسه قائلا طب طالما مش بتحبى سندوتشات الفول طلبتيها ليه كنتى طلبتى الأوردر كله سندوتشات طعميه بس.
ردت سمره أنا طلبتها علشانك وزى ما بتحب من غير طحينه بزيت بس.
بدأت سمره فى تناول الطعام وشاركها عاصم الى أن قالت
خلاص شبعت أنا آكلت كتير قوى.
تبسم عاصم وهو يمسح شفاه سمره بأحد المناديل قائلا طالما كنتى جعانه قوى كده ليه مطلبتيش من بدرى الاكل ده وكانوا هيجبوه ليكى بلاش تجوعى نفسك وعالعموم صحه وهنا.
تبسمت سمره قائله كنت عاوزه أكل معاك.
تبسم عاصم ووقف قائلا هطلع الصنيه للمطبخ.
بعد دقيقه عاد عاصم يحمل كوبا من الماء وأقترب من أحد الإدراج وأتى ببعض الأدويه قائلا أتفضلى خدى علاجك بقى الدكتوره قالت الآكل والعلاج علشان صحتك و صحة الولد.
وضعت سمره يدها على بطنها قائله بنت ومتأكده والمره الجايه فى الكشف الدكتوره هتأكد أحساسى.
تبسم عاصم قائلا بنت أو ولد المهم تهتمى بصحتك علشانكم أنتم الأتنين.
تناولت سمره الدواء من يد عاصم وأخذته وشربت الماء ثم تثائبت.
تبسم عاصم يقول المفروض تنامى بقى.
تثائبت سمره مره أخرى وهى تتستطح بجسدها على الفراش.
ذهب عاصم الى زر النور لأطفائه لكن سمره قالت برجاء خليك جنبى فى الأوضه متطفيش النور لحد ما أنام.
رد عاصم مش هطفى النور لحد ما تنامى وبلاش الخۏف ده يا سمره أمال كنتى عايشه فى ڤيلا عمى لوحدك أنتى والداده أزاى.
أدمعت عين سمره دون رد فماذا ترد عليه أنها كانت تنام والنور شاعل وأحيانا كثيره كانت تشعر بالخۏف وتنام وهى تفتح عيناها كالأسماك.
نظر عاصم لسمره رآف قلبه بها وذهب الى الناحيه الأخرى من الفراش وتمدد جوار سمره لكن لم يقترب منها قائلا
نامى يا سمره أنا هنا معاكى مټخافيش.
تبسمت سمره وهى تنظر له ثم أغمضت عيناها وذهبت للنوم سريعا.
بينما عاصم ظل ينظر لها لوقت ليسرقه النوم هو الآخر بعد قليل.
بدأ أشراق جديد
بشقة رفعت.
دخل
رفعت الى غرفة سليمه وهو يحمل بين يديه صنيه موضوع عليها كأسان من اللبن الدافئ وجوارهم بعض الطعام ووضعه على طاوله صغيره بالغرفه قائلا
خلينا نفطر أنا وأنت سوا وأشرب اللبن دافى يدفيك أنت فضلت مده كبيره هدومك مبلوله لحد ما غيرتها ببيجامتى الى صغيره مش على مقاسك بس أهى على ما هدومك نشفت أنا حطيتها فى الغساله لحد ما نشفت وكويتها علشان متبقاش رطبه أفطر
وأرجع ألبسها تانى.
نهض عمران من على ذالك المقعد القريب من رأس سليمه النائمه وقف يحرك رقابته ويديه وساقه ثم ذهب الى تلك الطاوله
وجلس جوار رفعت
تحدث رفعت قائلا أنا بشكرك أنك فضلت هنا طول الليل أنت الى أهتميت بسليمه أنا كان أختيارى صح من أول مره شوفتك فيها فى قنا أتمنيت تكون من نصيب سليمه شوفت فى عنيك نظره مختلفه ليها نظره حنان هى محتاجاه صحيح أنا حاولت أعوض سليمه حنان مامتها وأختها بس فى حته دايما كانت ناقصه أنت الى هتكملها سليمه بنتى وأنا أكتر واحد عارفها كويس عمرها ما كانت هتوافق على جوازك منها لو مش جواها أحساس كبير ناحيتك بالأمان ومره تانيه بشكر سهرك جنبها.
تنهد عمران يقول أنا بعترف يمكن لاول مره
أنى من أول ما شوفت سليمه كنت حاسس فى شئ خفى بيجذبنى ليها مكنتش أعرف أيه هو كنت بحب نقارها معايا وبحب أعصبها وببقى مستمتع بردها الحاد عليا لما عزمتنى هنا أول مره وشوفت صورة سليمه مع سلمى أنا أتلخبطت هقولك على سر تانى سلمى كانت بتجيلى كتير فى الأحلام مكنتش أعرف السبب أنا من يوم ما
عملت العمليه وخفيت بعدها فضلت فى نفس الميعاد لازم أحلم بالبنت دى ومكنتش أعرف السبب أنا كل الى عرفته بعد العمليه أن كان فى بنت توفت وأهلها وافقوا عالتبرع بقلبها هى مين مفكرتش اعرف او حتى أدور لأن الأمر أنتهى عندى بس كنت بشوف بنت فى أحلامى على فترات متباعده حتى شوفتها يوم سليمه ما جت للشركه أول مره شوفتها أتنين مشاعرى أتجاه سليمه كانت بتتغير مع الوقت عمرى ما حسيت أنها مشاعر أخوه أنا بحب سيلمه وهى الأنسانه الوحيده الى أتمنى أكمل بقية حياتى معاها
تبسم رفعت قائلا يبقى مش لازم تستسلم وحارب سليمه نفسها وخليها تعترف أن الى بينكم عمره ما كان مشاعر أخوه ده عشق.
بأثناء حديث عمران ورفعت تحدثت او بالأصح همست سليمه قائله سلمى.
نظر عمران ورفعت لها الأثنان
نهض عمران وأقترب من سليمه وجد وجهها متعرق قليلا بتلقائيه وضع يده على جبهتها وجد حرارتها عادت ترتفع بتلقائيه فتح ذالك الاصق ووضعه على جبهتها.
بينما هى تهزى بسلمى كانت سلمى تشاركها الأحلام تجرى بين الزهور والأشجار الرائعه وتختبئ من سليمه خلفها لكن فجأه اختفت سلمى وقفت سليمه تنادى عليها الى أن بح صوتها سارت يمينا ويسار تبحث عنها لكن لا رد ولا تجدها أقتربت من أحد الأشجار ورأت طرف فستان سلمى تبسمت ونادت عليها وذهبت خلف الشجره لكن لم تكن سلمى التى تقف خلف الشجره تلجمت وهى ترى عمران يبتسم لها يفتح ذراعيه عادت خطوات للخلف لكن أصطدمت بشجره أخرى وكادت تقع لكن يد مسكتها كانت يد وجيده التى تبسمت لها قائله كل واحد بيرحل بيسيب له فى الدنيا مكان لغيره يشغله بلاش تخلى الماضى يتحكم فى مستقبلك مستقبلك قدامك ليه عاوزه تضيعيه فوقى يا سليمه خدى وقتك وهتعرفى تتأقلمى مع الأمر
وأنا جنبك وقت ما تحتاجينى هتلاقينى.
فتحت سليمه عيناها للحظات ثم أغلقتها ورأت عمران يقف أمامها بيده شئ ينظر له لم يلاحظ انها فتحت عيناها ورأته.
بينما عمران نظر لذالك الترموميتر الذى بيده قائلا غريبه الحراره كانت أرتفعت ونزلت مره تانيه بسرعه.
بقنا
أستيقظت سمره
وجدت عاصم مازال نائما الى جوارها تنهدت بمحبه وأقتربت منه كثيرانظرت لوجهه هى أشتاقت أن تصحو وتجد عاصم لجوارها بتلقائيه قربت جسدها منه وقامت بوضع رأسها على صدره تشعر بدقات قلبه قبلت قلبه وعادت تنام على صدره لكن حين شعرت أنه بدأ يستيقظ أغمضت عيناها سريعا وأدعت النوم.
بدا عاصم فى الأستيقاظ شعر بشئ على صدره فنظر
فوجئ برأس سمره فوق صدره
تعجب كيف ظل نائما الى جوارها طوال الليل كيف سحبه النوم دون شعور منه وكيف أتت سمره ونامت على صدره دون أن يشعر ظل يتأمل وجهها بعشق مد يده يبعد شعرها المشعث عن وجهها وسار بأنامله على وجنتها ينظر لها بأشتياق لكن تذكر ذالك العهد المقيت فحاول أن يبعد سمره عنه لكن أدعت سمره الصحيان ونظرت الى وجهه باسمه تقول صباح الخير.
بسمة سمره بنظره أجمل بسمه
رد عاصم صباح النور نمتى كويس.
تنهدت سمره وهى تضم نفسها أكثر لعاصم تتشبث به قائله فعلا من اول ما صحيت من الغيبوبه ده أول يوم أنام نظر الى الشاشه وقام بالرد على الهاتف
الى أنهى حديثه مع المتصل.
نظرت له سمره قائله أنت مسافر القاهره النهارده.
رد عاصم أيوا فى شغل كتير متعطل وكمان عمران الفتره الأخيره هو الى كان شايل الشغل كله ومحتاح توقيعى على بعض الملفات.
ردت سمره طب وأنا.
تحدث عاصم أنتى أيه.
ردت سمره هفضل هنا ولا هاجى معاك للقاهره.
رد عاصم سمره أنتى حالتك الصحيه دلوقتي مش حمل سفر طويل هتفضلى هنا شويه لحد ما الدكتوره تأذن ليكى بالسفر.
ردت سمره بس فرح طارق كمان عشر أيام وماما ناديه سافرت علشان تساعد أفنان وكمان تنقل حاجات من شقتها للڤيلا الجديده الى أشتراها طارق وأنا لازم أحضر الفرح.
رد عاصم براحتك يا سمره بس الدكتوره أخر زياره ليها قالت بلاش سفر بالطياره وأنا هسافر بالطياره وأكيد قبل الفرح هتكون صحتك أتحسنت وتقدرى تتحملى سفر طويل.
شعرت سمره كأن عاصم يريد الأبتعاد عنها رغم وجوده بالأيام الماضيه جوارها لكن كان بعيد كأن وجوده جوارها فرض يؤديه عاصم مازال لديه نفس النوايا القديمه ويسعى كما قال لها سابقا للطلاق قريبا.
بعد مرور أسبوع
بقنا
صباحا
أرتدت سمره ملابسها وخرجت من الغرفه وذهبت الى تلك السياره التى تقف بالحديقه
تحدث لها عمها قائلا أنا أمرت السواق يسوق بالراحه وكمان هيكون فى عربية حراسه أى وقت تحسى بتعب عالطريق خليهم يوقفوا العربيه كان نفسى أنا أو وجيده نكون معاكى بس أنتى عارفه الظروف عقيله مهما كان أختى ووده أبنها ميصحش يبقى مافتش على مۏته أربعين يوم وأروح علشان أحضر فرح.
تحدثت سمره أطمن يا عمى أنا بقيت كويسه الحمدلله والدكتوره طمنتنا أنا ومرات عمى وقالت السفر بالعربيه مالوش تأثير عالحمل طالما الى هيسوق بالراحه مش بسرعه.
تبسم حمدى يقول هبقى معاكى على اتصال طول الوقت ومش هطمن غير لما توصلى الڤيلا عند عاصم .
تبسمت سمره له بغبطه وأتجهت الى السياره وصعدت