رواية إبني بقلم هويدا زغلول
المحتويات
وكانت سعاد قاعده مستنيااه وهو دخل اوضته علي طول من غير ما يكلمها راحت ورااه سعاد وهي ماشيه بالعافيه وقالت...
سعاد
اجهزلك العشا..
زين
ماليش نفس واطلعي واقفلي الباب لو سمحتي..
سعاد بدموع
ليه يا ابني تعمل فيا كده فأخر ايامي انا قصرت معاك في ايه بس..
زين
في كل حاجه يا امي انتي عملتيلي ايه ولا حاجه انا اقل واحد بسببك انتي...
كتر خيرك يا حبيبي قول اللي تقولو وانا مش هزعل منك بس اجهزلك العشا..
زين وقف وقالها
انا عايز اتجوز هبه وهي راضيه تقعد معايا في اي مكاان..
سعاد
وتفتكر هي وابوها يرضو ليه بوضع زي ده الا لو كانت في حاجه متخبيه في الموضوع..
زين بعصبيه
لا ما فيش حاجه يا ماما هبه احسن بنت في الدنيا ولو هي هتتنازل وتوافق هي وعني عشان احنا قرايب وعشان بتحبني بس انتي اللي واقفه في سكتنا..
وهفضل واقفه وطول ما انا عايشه مش هخليك تتجوز البنت دي ابدا انت فاهم ولا لا...
زين پحده
يبقي انسي اني ابقي ابنك وحبيبك وانا هتجوزها حتي لو وصلت اني اسيبك واقعد عندهم...
سعاد. پبكاء
يا خساره يا زين يا خسارة تربيتي فيك وعمري اللي ضاع ويكون في علمك لو اتجوزتها انا هبقي غضبااانه عليك لاخر عمرك...
ولا يهمني انتي اصلا فاكره نفسك كده انك ام ولا حصلتي اصلا...
سعاد بسخريه
يمكن لو ما كنتش ام معتك وكنت سيبتك لعمك كنت وقتها بقيت كده فعلا اتخمد شالله عنك ما طفحت في ليلتك..
_ سابته وراحت اوضتها ومسكت صورة جوزها وقالت وهي بټعيط...
سعاد
شايف ابنك يا زكريا شايف بيعمل فيا ايه بسبب اخوك وبنته...
_ وتاني يوم راح زين بعد ما خلص شغله بيت عمه وكانو قاعدين يتعشو وقاله عيسي..
حلو اوووي الكباب ده يا زين بعد الجواز اعمل حسابك انك كل ما تجيب كباب انا هاجي اتعشي عندك..
زين
تنورني والله يا عمي هيكون بيتك والله..
عيسي
هي الست امك رضيت الاول انا لولا المرحوم ابوك ما كنتش هتحمل كل ده..
زين
حقك عليا يا عمي انا مستعد والله اجيب اي مكان بره واتجوز فيه ومش هجيلها هنا تاني..
لا لا انا كده ازعل منك دي مهما كان امك برضو..
هبه
انا بقول خلاص مدام هي مش موافقه يبقي كل واحد يروح لحاله احسن...
عيسي پحده
اخرسي يا بت انتي وقومي اعملي شاااي يلااا..
قامت هبه وزين قال
شايف يا عمي هبه بتقول ايه هو انا يعني بمزاجي اللي بيحصل ده..
عيسي
سيبك منها وقولي امك لسه مصممه علي اللي في دماغها ده..
للاسف ايوه وانا قولتلك الحل اهو انا هتجوز هبه بعيد عن هنا خالص..
عيسي
بيني وبينك انا ناوي اتجوز بعد ما اطمن علي هبه والا كنت هقولك تعالو اقعدو معايا بس انا عندي حل هيخلي ليك شخصيه مع امك وتعملك حساب بدل ما انت عيل معاها اوي كده...
زين بغيظ
انا من ايدك دي لايدك
متابعة القراءة
