بقلم سهام العدل

 

أنتي اخت ادم صح
أيتن إيه النباهة دي صح ياستي أنا أخته الصغيرة. 
ميار وهو انسان طبيعي معاكوا 
تعجبت أيتن من سؤالها إيه السؤال ده مش فاهمة 
ميار يعني بيتعامل طبيعي ولا عصبي ومتوحش معاكم.
أيتن آدم ده أبونا وأخونا وصاحبنا ده أحن شخص علينا في الدنيا. 
ميار التزمت الصمت ولكن في نفسها ضجيج لايهدأ أمال بيعمل معايا كده ليه ليه خلاني ابقي كده في نظر ابويا وأهلي الانسان ده وراه سر وانا لازم اعرفه. 
أيتن ساكتة ليه علي فكرة أنا حبيتك أوي بس أنتي وآدم اتجوزتوا إزاي 
ميار إسأليه.

أيتن بس انا بسألك أنتي ممكن نبقي أصحاب. 
ميار لا مستحيل نبقي اصحاب. 
أيتن على العموم شكلك زعلانة من حاجة وانا هسيبك براحتك. 
صمتت ميار قليلا ثم سألتها أنتوا لكم أخوات تانية 
تبدلت ملامح أيتن ثم قالت بوجوم كان لنا أخت وماټت. 
رق قلب ميار لأيتن ونهضت من نومتها قائلة الله يرحمها متزعليش هي كانت تعبانة 
أيتن والدموع قد تجمعت في عينيها صحينا فجأة لقيناها منتحرة. 
ميار وقد ادمعت عيناها لا إله إلا الله طب متزعليش أنا موافقة نكون أصحاب. 
ابتسمت أيتن من بين دموعها وقالت طب الحمد لله ان قلبك حن ليا طب ممكن بقي ياصاحبتي توافقي ناكل سوا. 
ميار أنا فعلا مش قادرة اكل حاجة. 
أيتن وهي تقف وتتحرك ناحية الباب طب الحمد لله انا كمان ھموت من الجوع والبيتزا اللي أنا جيباها تحفة اما الحق اجيبها ناكل. 
بعدما ذهبت أيتن ابتسمت ميار لأول مرة منذ أيام وقالت إزاي البونبوناية دي أخت زومبي اللي بره ده.
خرجت أيتن ودخلت علي آدم غرفة المكتب وجدته يجلس على المكتب وينظر للسقف
أيتن آدم ممكن نتكلم شوية 
آدم مش قادر أتكلم في حاجة يا ايتن. 
آيتن أنت اللي عملت فيها كده ياآدم 
آدم قولتلك مش قادر أتكلم في حاجة.
أيتن مانا مش قادرة أسكت ياآدم مش قادرة البنت دي جسمها كله علامات ضړب ووشها في غني عن الكلام عنه إيه جريمتها إن يحصل فيها كل ده. 
آدم عارفة يا أيتن أنا تعبان تعبان اوي ومحدش حاسس بيا أنا بټحرق وبموت كل يوم كأن اتكتب لي أتعذب على الدنيا. 
اقتربت منه أيتن ومسحت علي شعره مالك يا آدم فيك إيه فهمني وشاركني همك يمكن أقدر أساعدك. 
أنزل آدم يدها ثم قال متشليش هم حاجة أنا كويس ميار عاملة ايه 
أيتن اما
لبست وسرحت شعرها بقت واحدة تانية عن اللي دخلت وشوفتها أول مرة بس مکسورة اوى تحس ان روحها مېتة بس انا بحاول اخليها تاكل.. اما اروح يمكن ترضى تاكل حاجة 
آدم طب تمام خليكي جنبها وانا هنزل عشان عندي شغل في الشركة وهرجع على ماما 
أيتن ماشي يا حبيبي طب حاول تاكل اي حاجة

قبل ماتنزل. 
آدم أنا هآكل أي حاجة في الشركة.
بعد ساعات في منزل نوال والدة آدم 
آدم بانفعال وأنا هعمل إيه ياماما أكثر من كده 
نوال بصړاخ ڼاري مبردتش ياآدم لسه قلبي والع ڼار.
جلس آدم بجوار والدته وأمسك يدها ياماما أنتي لو شفتيها دلوقتي إنتي نفسك هتقولى كفاية عليها كده. 
نوال انا لو شفتها متقطعة قدامي مش هيشفي غليلي يوم مادخلت بيتهم كان شيطاني بوزني احط عليه جاز واۏلع فيه. 
آدم بيأس أنا حاسس بيكي.. بس أنا مش عارف أنا كده صح ولا غلط دي لو عملت في نفسها حاجة مش هسامح نفسي طول مانا عايش. 
نظرت له أمه بتساؤل مخيف إيه ياآدم قلب حن ليه كده ولا البت عجبتك واحلوت في عينك. 
آدم ايه اللي انتي بتقوليه ده ياماما مستحيل طبعا بس أنا خلاص مش قادر. 
نظرت له أمه افتكر منظر أختك اللي اڼتحرت من الۏجع واليأس وانت تقدر ياآدم. 
تذكر آدم يوم أن نهض علي صړاخ أيتن ماما آدم الحقوني. 
جري آدم علي الغرفة وجد أيتن تمسك راس أروي الذي تدلي من علي السرير وفمها ملئ برغوة ملونة 
آدم فيه ياأيتن حصلها إيه 
أيتن پبكاء صحيت ولسه داخله الحمام لقيتها كده بحاول اعدلها واصحيها متصحاش. 
آدم طب طب طب اهدي وانا هكلم دكتور 

ونهض واقفا أنا ماشي ياماما عن إذنك وان شاءالله هاجي بكرة علي الغدا. 
الأم تجيبها بكرة قبل ماتروح الشركة وابقي ارجع على هنا. 
آدم ملوش لزوم يا ماما. 
الأم وانا متعودتش تكسر لي كلمه يا آدم. 
آدم بتنهيدة حاضر يا ماما سلام.
فتح آدم شقته ودخل وجد أيتن مستعدة للخروج. 
أيتن الحمد لله انك