عشق الادهم بقلم ماهي عاطف

ولقيتك راكبه عربيه اخر موديل قولت اقلبك فى اى فلوس بس طلعتى واقعه وهبشت منك كل حاجه
لورا انت بتقول ايه سړقت فلوسى ياعنى ايه كنت بتضحك عليا علشان تاخد الفلوس وتلحق نفسك
معتز اه ومتقوليش فلوسك دى فلوس الغلبان جوزك الى بعتيه عشانى ولو انه يستاهل علشان مغفل وسلمك كل حاجه بايده
لورا صوتها علا انا هوديك فى داهيه سامعنى هبلغ عنك
معتز ببرود وماله روحى بلغى عنى بس وانتى بتبلغى خدى دول معاكى وعطاها صور ليها عريانه
لورا شافت الصور ومنطقتش من الصدمه بصتله قوى ليه كده انا عملت فيك ايه دانت الوحيد الى حبيته فى حياتى ليه تعمل فيا كده

معتز بقرف انتى الى عملتى فى نفسك روحتى بعتى جوزك الى رامى كل حاجه تحت رجلك وباع عياله ومراته عشانك كنت فاكره ايه انى ممكن اامن لوحده زيك واتجوزك واعيش معاكى فى سعاده الى زيك ملهاش الا الشارع وبس انتى واحده خاينه بياعه ويالا خدى بعدك وروحى لابوكى السكرى ارجعى اشتغلى واصرفى عليه تانى
لورا جريت عليه باست ايده لا يامعتز ابوس ايدك مش عايزه ارجع للى كنت فيه تانى طيب بص ادينى نص الفلوس لا لا ربعها اعيش بيهم
معتز زقها ولا نص ولا ربع خلاص بح مافيش فلوس ولو مش عايزه تنزلى هننزل احنا واشبعى بالشقه انا اصلا مأجرها كام يوم
يالا سلام
لورا مسكت فيه وخربشت ايده جامد ھقتلك يامعتز مش هسيبك تعيش بفلوسى ھقتلك سامعنى
معتز ضربها قلم جامد وقعها فى الارض اه يابت انتى اتقتلينى انا ابقى ورينى هتقتلينى ازاى اسمعينى كويس لو فاكرتى مجرد تفكير تعملى اى حاجه صورك وفيديوهاتك وانتى عريانه هوزعها فى كل حته وهفضحك سمعانى ولا لا
سابها ونزل هو وصافى وهى عندها حاله زهول وعماله تصرخ اخدت تليفونها واتصلت على ابوها
لورا بصړيخ باباااااا تعالى الحقنى معتز سرقنى الحقنى بسرعه هيهرب بالفلوس بسرعه
واديته عنوان الشقه راح لاقها عماله تصرخ والناس متجمعه عليها مش عارفين مالها شوقى جرى عليها
شوقى
فى ايه يابت انطقى
لورا بهستريا سرقنى سرقنى وهرب مع ام شعر اصفر سرقنى كله راح اخد كل الفلوس كلها كلها مرداش يسبلى حاجه مرداش
الناس اتصلوا بالاسعاف لما لقوها حالها بتزيد ومن ساعتها وهى عندها حاله زهول وده جزاء لكل الى يظلم ويخون وېخرب بيوت
عدى فتره بعد فرح اسر كان ادهم فيها بيحاول على قد ما يقدر يقرب من همس ويرجع ثقتها فى نفسها وفيه وفعلا بدات ماتحولش تبعد عنه وفى يوم كانت واقفه فى المطبخ بتعمل الغدا كانت سرحانه وبتغنى حاجه مستخبيه لحماقى أدهم دخل البيت سمع صوتها فى المطبخ وقف قدام المطبخ وكانت هي عطياله ضهرها وبتغنى
فضل واقف يسمعها وحس انها بتغنى علشانه همس حست بيه وراها لفت لقيته قدمها
همس اتحرجت انه يكون سمعها أدهم !! انت واقف من زمان
أدهم قرب عليها من ساعت قدام عنيه بقف وبنسى ايه يتقال هو ايه بقى ياهمس
همس ايه ايه
أدهم قرب اكتر وبص فى عنيها ايه الى مخبياه ومش عايزه تقوليه
همس اتوترت وبصت للارض دى اغنيه ياأدهم كنت بسالى نفسى مش اكتر
أدهم رفع وشها وقرب قوى واتكلم قصاد شفايفها ساعات مش بنلاقى غير الاغانى تعبر عن الى حاسينه ومش عارفين نقوله
همس سكتت وفضلت باصه لعنيه بس عنيها بتقوله قد ايه هى بتحبه ورد على عنيها بحب اكتر بكتيير وبعد شويه بعد وقالها مش عايز اسمع اكتر من الى عنيكى قالته
همس فاجأه سابته جريت على الاكل تلحقه قبل مايتحرق وهو ضحك وراح يغير هدومه علشان يتغدوا
عدت الايام عليهم جميله كلها حب وسعاده بس أدهم محولش يقرب منها اكتر الا لما يتاكد انها هى كمان عايزه تقرب زيه ويبقوا زى اى زوجين
روايه عشق الادهم 
الحلقه الواحد والعشرون الاخيره
عند هناء كانت بتتكلم مع حنين فى التليفون الباب خبط
هناء اقفلى ياحنين لما افتح الباب
حنين بهزار طيب افتحى وانا معاكى ليكون حد داخل يخطفك ياقمر 
هناء ضحكت يابت اقفلى بالا اتخطف
قفلت معاها وراحت تفتح الباب وهى مبتسمه كانت فكره إلى على الباب اسر اول مافتحت ابتسامتها اختفت
هناء پحده انت
محمد ازيك ياحاجه هناء عامله ايه
هناء الحمد لله خير عايز حاجه ولا افتكرت ان ليك حاجه نسيها
محمد بكسره ليه عيالى
هناء يابجحتك يااخى عيالك دلوقتى بس افتكرت عيالك دول نسيوا شكلك ايه
محمد انا عارف انى مستهلش انكم حتى تبصوا فى وشى وان طلعت قليل الاصل بس انا عشمى فيكوا انكم تسامحونى وتخلونى اشوف عيالى
هناء بعصبيه انت كل مادا بتثبتلى انك بحج ومعندكش ډم بقى بعد كل الى عملته فى بنتى ورميك لعيالك جاى تقولى سامحونى طب ازاى امشى من هنا ومش عايزه اشوفك تقرب مننا تانى
محمد ارجوكى انا لازم اشوف عيالى وهمس عايز اعتزر ليها محتاج اتكلم معاها
هناء بنتى خلاص اتجوزت ومتحلمش انك تشوفها تانى هى والعيال
محمد اټصدم يعنى خلاص حتى همس معتش عنده فرصه ان ممكن تسامحه طيب وعياله لا مش ممكن يتحرم منهم باقى حياته
محمد بعصبيه هى حره تتجوز برحتها بس عيالى لا انا هعرف اخدهم ازاى
وسابها ومشى وهى ھتتجن مش عارفه تعمل ايه دى مصدقت همس تعيش مرتاحه
اتصلت باسر ايوا يااسر الحق يابنى
اسر بلهفه مالك ياحبيبتى انتى تعبانه
هناء لا يااسر محمد كان هنا وقالى انه هياخد العيال
اسر انتى بقولى ايه عيال مين دول الى ياخدهم هو ايه الى فكروا بيهم اصلا
هناء معرفش وخاېفه اختك لو عرفت ممكن يجرلها حاجه
اسر طيب اهدى بس وانا هتصرف
هناء هتعمل ايه يااسر
هناء اهدى ياحبيبتى وربنا يسهل
قفل معاها واتصل بأدهم الو ايوا ياأدهم انت فين
أدهم مالك يابنى فى حاجه ولا ايه
اسر اه لازم اشوفك ضرورى
أدهم انا فى مكتبى تعال هستناك
اسر تمام ربع ساعه واكون عندك
قفل معاه وربع ساعه ووصل عنده دخل كان باين عليه الضيق
أدهم مالك يابنى انت متخانق مع نور ولا ايه
اسر لا ياادهم فى مصېبه
أدهم قام راح قعد قصاده فى ايه يااسر اتكلم على طول وقعت قلبى
اسر محمد طليق همس راح عند ماما من ساعه وكان عايز يتكلم مع همس ويشوف عياله ولما عرف انها اتجوزت قال انه هياخد عياله
أدهم المفاجاه شلت تفكيره وكل الى اجى فى دماغه ان همس
لو عرفت هتعمل ايه يعنى ايه ياخد عياله مش
من حقه لا القانون ولا اى حد فى الدنيا بيقول ان ليه حق فيهم
اسر ايوا بس همس لو عرفت ممكن يحصلها حاجه دى روحها فى عيالها وبصراحه خاېف تطلب الطلاق علشان ميخدش عيالها منها
أدهم قام وقف على جثتى يااسر قولى محمد ده القيه فين دلوقت
اسر هتعمل ايه بس
أدهم هروح اتفاهم معاه واشوفه عايز ايه
اسر اكيد فى معرضته
أدهم المعرض ده فين
اسر تعالا انا هاجى معاك
نزلوا الاتنين راحوا المعرض وعرفوا ان المعرض اتباع
أدهم طيب هيكون فين
اسر معرفش بس الى اعرفه ان كان هيبيع الشقه بتاعته القديمه فمعرفش القيه فين عموما اهدى واكيد هيجى البيت عندنا تانى
أدهم وافرض اجى وهمس هناك او وصل للبيت عندى
اسر هيعرف عنونك منين هو اصلا ميعرفش همس اتجوزت مين اهدى كده وانشاء الله تتحل
أدهم ربنا يستر
أدهم روح كانت همس مسنياه بابتسامه جميله واول مادخل وشافته شكله متغير راحتله
همس مالك ياأدهم فى حاجه
أدهم بصلها وقال لنفسه اكيد لو عرفت هتطلب الطلاق علشان العيال طب اعمل ايه اعيش من غيرها ازاى
همس بصتله فى ايه ياادهم انت تعبان
أدهم لا انا كويس بعد اذنك انا هدخل اريح شويه
وسابها ودخل اوضته وفضل كام يوم على الوضع ده خاېف همس تسيبه وهيتجنن ويعرف محمد فين همس لما أدهم معملته معاها اتغيرت ڠصب عنها افتكرت محمد لما بدا يتغير معاها علشان واحده تانيه
وفكرت هو ممكن يكون زهق منى وحب واحده تانيه اكيد هو خد منى ايه علشان يفضل معايا كل الرجاله واحد مش عايزين الى الجسم وبس وكل الكلام الى كان بيقولوا كان مجرد كلام وخلاص
تفكرها جابها لكده وقررت انها لازم تبعد زى ماكانت بس حست بۏجع عمرها محسيته كل لما تفكر انوا بيحب ولا يعرف غيرها كانت بټموت
بعد كام يوم اسر اتصل على ادهم كان فى البيت
أدهم الو ايوا يااسر
اسر ادهم عرفت مكان محمد
ادهم قام من مكانوا علشان همس ماتسمعش وهى لحظت ده
أدهم بجد يااسر طيب انا عشر دقايق وهجيلك
ادهم دخل لهمس وقالها انوا نازل عنده مشوار مهم ونزل وهى الشك زاد عندها دخلت اوضتها وفضلت ټعيط وټعيط وۏجع قلبها بيزيد
أدهم نزل راح اخد اسر هو فين يااسر
اسر فى شقتهم القديمه
أدهم انت مش قولت باعها
اسر لا مبعهاش كان قافلها وقايل للبواب لو حد سال يقول باعها
أدهم طب ليه
اسر لا دا مواله كبير قوى ربنا جاب حق همس منه تالت ومتلت
أدهم ايه الى حصل
اسر حكاله كل الى عرفه وهو بيدور عليه اليومين الى فاتوا
اسر بس ياسيدى ورجع شقته تانى وبقى على الابيض
أدهم علشان كده راجع يدور على عياله وهمس بنى ادم واطى فعلا
وصلوا عند محمد خبطوا فتحلهم الباب وكان منظره متبهدل
محمد اول لما شاف اسر اسر اتفضل تعالا
اسر استغرب من منظره دخل هو وادهم الى كان شايط ومش طايق محمد ولا المكان الى كانت همس عايشه فيه معاه
ادهم ممكن اعرف انت عايز ايه من همس
محمد بصله قوى انت مين
أدهم انا أدهم جوز همس
محمد بص للارض انا مش عايز منها حاجه انا عايز عيالى وبس
ادهم اتعصب عيالك من امتى قولى كده بقالك قد ايه ماشوفتش عيالك دول سمعت حتى صوتهم!! سالت عليهم كام مره من يوم مارمتهم اشمعنى دلوقت جاى عايزهم
محمد عارف ان كل كلام ادهم صح رد عليه بكسره علشان معتش ليا غيرهم
أدهم ضحك طيب معلش عندى سؤال لو مراتك مكنتش سابتك وسړقت فلوسك كنت فكرت حتى تشوفهم
محمد سكت وادهم كمل اقولك انا لا !!عمرك فى حياتك ماكنت هتفكر تشوفهم طول مانت كويس مع مراتك عيالك كانوا بيسالوا عليك كل دقيقه لحد مانسيوك كانوا بيتمنوا حنين ويقولوا كلمه بابا وجاى دلوقت بكل بجاحه تقول اخد عيالى طيب مفكرتش فى امهم الى ظلمتها مره عايز تظلمها اكتر وتحرمها من عيالها وتسبها ټموت صح بس انا مش هسمحلك تعمل فيها كده ابدا ولا فى عيالى ايوا عيالى لانهم ميعرفوش اب غيرى ولو عايزها محاكم انا معاك للاخر يالا يااسر
محمد وقف بكسره وعيونه مدمعه استنى ياادهم!! انا عارف انك شايفنى اندل واحد فى العالم ومعاك حق انا رميت
عيالى وخربت بيتى بايدى وجريت ورى نزواتى بس صدقتنى ربنا عاقبنى اشد عقاپ انا عمرى ماافكر احرم همس من