حب الطفولة

و بعدين ده جواز مش لعبة !! يعني محاكم و قواضي و بلاوي..
فاهمة و مقدرة ما تخافيش مش هسايره بس انتي ساعديني ابعده عني و ربنا يقدرني و اقاومه !
ربنا يكمل لك بعقلك يا حبيبتي يا بسمة انا عارفة انك مش هتضعفي قدامه خليكي دايما قوية و انا هساعدك.
المهم بدا المعازيم يوصلوا منهم جدتي و سعاد كنت خاېفة واحدة فيهم تلاحظ ملاحقته ليا وتبقى مصېبة .
وصل اهل العريس و طنط كانت عايزاني اساعدها احط معاها سفرة العشاء
بسمة حبيبتي انتي شاطرة ما يتخافش عليكي عايزاكي تساعديني انتي و حياة بلاش الباقيين يطلعوا قدام الناس خاېفة يعملولي ڤضيحة ما انتي عارفاهم هبل
اللي تشوفيه يا طنط 
دخلنا انا و حياة و بدأت تعرفني عليهم واحدة واحدة
دي أم حسام و دي خالته و دي مرات عمه و دي عمته و .
مش تعرفينا الاول على السنيورة يا نفيسة ! 
دي بسمة قريبة حسن
بسم الله ما شاء الله انا شكلي هجوز رياض كمان من عندكم.
قالتها كدة و هي عينها عليا من فوق لتحت كانت أم محمد و جدته ملاحظين نظراتها سبتهم و طلعت مكنتش متحملة نظرات النسوان اللي جوة كل فكري كان عند محمد يا ترى ايه اللي بيحصل معاه معقولة يكون حبني! ولا يمكن هو اعجاب بس و ليه اتوتر كل ده لما عرف اني كنت بزورهم من زمان! حاولت ما افكرش كثير شغلت نفسي بتحضيرات الخطوبة و ابتدا الحفل بعد العشاء دخل العريس مع محمد وسط الزغاريد الناس كلها كانت مبسوطة و الحفلة حلوة الكل بيرقص و يهزر بس محمد مش مركز في حاجة غيري طول الحفلة عينه عليا لدرجة حسيت بالاحراج من اهله لو حسوا بحاجة و كمان خفت تشوفه سعاد وتبقى حكاية تانية بس هو ولا كان هامه حد و كأنه كان لاغي وجود اي حد غيري حتى اهل عروسته كانوا هناك و شفت اختها بتبص له باستغراب 
بقولك يا حياة ! هي مين البنت اللي قاعدة تبص لمحمد بغيظ دي
دي اخت مروة الصغيرة ربنا ما يجيب فضايح و تقولها ان جوزها لسة على عمايله بس بصراحة هو زودها حبتين يا ريت تستخبي من وشه احسن ما الكل يلاحظ ملاحقته ليكي بعيونه!
انا كمان فكرت في كدة عندك حق احسن حل اني اختفي كنت لسة هدخل جوة و كانت سلوى بتحط حنة و حماتها شدت في هدومي و بتبتسم لي و انا واقفة رايحة فين يا حلوة ما تقعدي معاها تحطي حنة يمكن تلحقيها عن قريب !
بصيت عليه لقيت عيونه بتطق شرار 
آسفة معليش مبحبش ريحتها يا خالتي.
سبتهم و دخلت الاوضة و هو كان قاعد بعيد و ما يقدرش يوصل لي عشان فيه ناس كثير قاعدة بيننا كنت بحس احاسيس متناقصة مبسووووطة جدا بإهتمامه و نظراته و بستمتع بكل نظرة بس بكلم نفسي خاېفة من اللي جاي
قلبي جرى ايه يا بسمة ! مش ده اللي كنتي بتتمنيه طول عمرك مش كنتي مستنية اللحظة اللي يحس فيها بوجودك و يبادلك و لو نظرة اهو بيجري وراكي بعيونه في كل حتة خاېفة ليه دلوقت و ليه قلبك مقبوض كدة
عقلي فوقي لنفسك يا عبيطة ده راجل متجوز يعني المسألة مش لعب عيال !
قلبي طب و ليه بيلاحقني مادام متجوز! عايز مني ايه!
عقلي بلاش تفكير عبيط حاولي تبعدي عنه و خلاص مينفعش يكون ليكي انتي اتأخرتي اووووي!
قلبي بس انا بحبه ااااااه يا خيبتي يا نااااس بحبووووو مش هقدر ابعد بالساهل ولا اقدر اتجاهل اهتمامه
قعدت فالارض اعيط و ادعي يا رب قدرني اني انساه و اصبر على بعده يااااارب انا بټعذب ريحني ما بقيتش قادرة !
خلصت السهرة و المعازيم روحت و الحمد لله سعاد راحت مع بنات خالها بس جدتي فضلت معانا كانت الساعة على 2 الصبح روحت انا لاوضة البنات حياة و سلوى محمد ساب اوضته للعريس يرتاح فيها و طلع حط فرشته في الحوش بتاعهم تحت شباك اوضتنا

هو كان عارف اني بأنام هناك عند الشباك بسمع في والدته تقول له الاوضة الثانية فاضية تنام برة ليه قالها الدنيا حر و كمان متضايق محتاج هواء 
الكل كان تعبان و ناموا بس انا مكنتش قادرة أنام من الأحداث اللي حصلت فضلت اتقلب كأني بتقلب على جمر خصوصا اني كنت بحس بيه جنبي قدام الشباك سهران للصبح و هات يا سجاير حسيت اني قلبت الموازين كلها صح كنت متمنية ده يحصل بس مكنتش متوقعة يتلخبط كيانه في ظروف زي دي ! يا رب تسترها يا ترى هيحصل ايه في الأيام اللي جاية!!
الصبح صحي اهل العريس و طنط نفيسة و امها و سلوى البنات كانوا لسة نايمين قلت اقوم اساعد طنط و سلوى في تحضير الفطار ماهو كدة كدة ما جاليش نوم و قعدنا