حب الطفولة

حتي .
ثالث يوم طلعنا من المطعم ويادوب بدور الاقيلي مكان تحت شجره اقعد علي المقعد الخشبي اللي تحتها فجأه

لاقيته في وشي ما عرفتش طلعلي منين سلام عليكم يا آنسه ممكن لو سمحتي دقيقه بس من وقتك اسألك سؤال !
افففف ايه اللي جابه دا بقى وهقوله ايه بس انا دلوقتي ! جاوبته ببرود من غير ما ابصله خير حضرتك انت تعرفني !
اتحرج من طريقتي في الكلام ومع ذلك من بروده خد بعضه وراح قاعد دا ايه البني آدم دا !! 
أصل انا عرفت بالصدفه من ورقة الحضور بتاعتك إنك بتشتغلي في مدرسة .
اه بشتغل هناك بتسأل ليه 
سبحان الله الدنيا صغيره قوي تعرفي الاستاذه رحمه اللي بتدرس كيمياء هناك ! دي تبقى بنت خالتي لزم صدفه غريبه مش كده انا نادر إتشرفت بمعرفتك
ما حبيتش ارد عليه رد ينسفه نسف قولت خليكي ماسكه اعصابك يا بنت يا بسمه ابتسمتله ببلاهه وقولتله إتشرفنا وقومت وسيبته هناك ومن ساعتها وانا كل ما اشوفه امشي الناحيه المعاكسه عشان ما يتجرأش ويكلمني تاني كان طول الأسبوع يلهث وراي وما عرفش يوصلي .
أخيرا خلص الأسبوع وارتحت منه ومن قرفه !
رجعت بيتنا وخلصت الاجازه .
وفي اول يوم شغل لقيت رحمه جايه عليا وبتبتسملي بسمه وحشتيني حمدلله على السلامه .
كنت عارفه انها جايه تكملني عنه ما هيا اصلا عمرها ما كلمتني كلمتين على بعض مفيش غير سلام عليكم وعليكم السلام ولا فيه بينا اي مواضيع يعني 
انا الله يسلمك وانتو كمان وحشتوني وعملت نفسي مش واخده بالي من تصرفها الغريب دا ومستنيه اشوفها هتقول ايه بعد المقدمه البايخه دي
في الواقع كنت محتاجه اكلمك على انفراد لأنه موضوع خصوصي شويه .
وشي إصفرر ومعدتي اتقلبت افتكرته وكنت عارفه هتقول ايه سامحني يارب انا عمري ما کرهت بني ادم للدرجه دي ودي كانت اول مره 
خير يا رحمه ادينا لوحدنا اتفضلي
بصراحه نادر ابن خالتي قالي إنه كان معاكي في التكوين وهو بصراحه أعجب بيكي من اول نظره ومن ساعة ما رجع وهو ما بطلش كلام عنك وعاوز ميعاد منكم عشان يجي هو وخالتي عندكم اذا ما كانش عندك مانع طبعا .
ارتبكت ووشي اتخطف جاوبتها بزهق رحمه انتي زميلتي وعلى عيني وراسي بس انا ما بفكرش في الجواز دلوقتي دا انا لسه ما كملت 22 سنه حتي !
معقوله الكلام دا بنت حلوه زيك وموظفه كمان وما بتفكرش في الجواز بقى دا اسمه كلام يا شيخه 
ما عرفتش ارد أقولها ايه كنت ناويه اديها كلمتين واطنشها قولتلها طيب ماشي سيبيني افكر وارد عليكي .
وانا ما كنتش ناويه افكر اصلا ولا ارد عليها حتى ما كنتش عارفه انها الحكايه هتطلعلي من ناحيه تانيه
عدى اسبوعين لا انا رديت عليها ولا هيا استرجت تفتح الموضوع تاني قولت الحمدلله يبقى خلصت منه موضوع نادر دا .
بس نادر ما استناش بنت خالته ترد عليه ولما شاف الموضوع طول راح سأل وعرف عنواننا وجيه قابل ابويا وقاله أنه كان معايا فالتكوين وإنه معجب بتربيتي وأخلاقي قال وكمان عاوز يجيب اهله ويطلب إيدي رسميا .
ابويا وافق وقاله تشرفونا في أي وقت
يبقى يوم الجمعه إن شاء الله
اما انا بقى فكنت قاعده في اوضتي بحضر دروسي فجأه لقيت أمي داخله عليا مره واحده وعيونها فيهم الف سؤال كنتي ناويه تقوليلنا امتى بقى على نادر بيه دا 
عيوني وسعت من آثر الصدمه نادر !!! مين اللي قالك عليه 
دا جا الصبح لابوكي وطلب إيدك ويوم الجمعه جايين هو واهله يتقدمولك رسمي .
رديت بفزع ايييييييه 
اللي سمعتيه يا عروسه وابقي حضري نفسك وإظبطي أمورك ولو فكرتي تبيني للناس إنك مش عاوزه الجوازه دي إنتي هتشوفي هاعمل فيكي ايه 
يا أمي إنتي ما شوفتيش شكله انا مش هضحك على خلق الله يعني بس والله ما هاقدر أتخيل نفسي إني مراته دا حتى ربنا جميل بيحب الجمال حرام عليكي ! بصتلي بتريقه اااايوه ما هو عشان كده كان عاجبك الزفت اللي اسمه محمد دا إسم الله على حلاوته ما يكونش عبدالحليم حافظ وانا مش واخده بالي وضحكت بإستهزاء وطلعت وسابتني قاعده باندب حظي يادي نادر الزفت دا !! طلعتلي من فين المصېبه دي كمان يارب هو انا اخلص من رياض يطلعلي نادر قعدت افكر اعمل ايه طاب ما انا ممكن اهرب واروح عند خالتي لحد ما يجو ويمشو هو ايه الحل الغبي دا ما انا مسيري هارجع عشان الشغل طيب !
المهم ما لقيتش اي حل اهرب بيه من المصېبه دي وجيه اليوم المشؤوم دا حضرت نفسي وحطيت ميكب خفيف قوي ولبست فستان اسود قصير وعملت شعري كعكه ودخلت حطيتلهم العصير وكانت أمي وامه وجدتي وخالته ورحمه بنتها طبعا هو في مكان تاني مع ابوي !
فضلت أمه تبصلي بإعجاب وكل العيون عليا حسيت نفسي

كنت هتخنق
نطقت