حب الطفولة

حصل ايه بعد ما مشيت أكيد هيكون اټجنن يا عالم ممكن يعمل ايه لأنهم يبقو مجانين لو فكرو إنه هيستسلم او يعقل ويكمل ترتيبات الفرح عادي كمان يارب هات العواقب سليمه ياااا رب 
والمهم كان عدا 10 ايام ماكنتش لا ب انام كويس ولا باكل ولا بشرب طول اليوم قافله على نفسي وعماله اعيط تعبت فجأه ومره واحده نزل ضغطي لحد ما وقعت مغمى عليا أتصل اخويا بالاسعاف وعملولي محاليل لان كان عندي هبوط حاد وكان احمد شاكك انه فيا حاجه لاني خسيت كتير قوي في الأيام اللي فاتت دي بس أمي طمآنته وحاولت تلم الموضوع قالتلهم هي خاېفه بس ومتوتره بسبب موضوع التعيين يمكن تتعين في محافظه بعيده ولا حاجه ودا يعني سبب توترها بعدها خۏفت يوصل الخبر لابويا وحاولت اتظاهر بالقوه واني مفييش حاجه وخصوصا قدام جدتي وسعاد قولت لأمي اني فكرت في كلامها وإنها معاها حق في كل كلمه قالتها واني خلاص شيلته من دماغي ما هو لولا ما انا قولت كده كانت هتحبسني طول الإجازة في البيت وانا كنت ھموت واعرف ايه اللي بيحصل عندهم هناك والموضوع رسى معاهم على ايه كمان !
قولت ما دام صالحت امي اروح استئذنها عشان اروح لجدتي اللي هي امها اللي كانت بتقبض مرتب كويس معاش جدي الله يرحمه ومش بتعمل بيه اي حاجه لانها وحدانيه روحت عملتلها شغل البيت كله وشويه حلويات كمان واترجيتها تسلفني شوية فلوس اشتري بيهم فون وشريحه عشان اشحنها ووعدتها ارجعهم لها من اول مرتب اقبضه وفعلا سلفتني المبلغ واشتريتهم واول حاجه عملتها اني اتصلت بسلوى اللي كان عندي رقمها

وانا متلهفه اعرف اخبارهم ايه
كلمتها سألتها عن اخبارهم كلهم والحاجات العاديه دي وبعدين سالتها ايه الجديد بخصوص موضوع محمد
الوضع ما يطمنش خالص يا بسمه محمد راح ل ابو مروه وقاله اني مش هقدر اكمل في الجوازه دي وإن وافق يعني يعملو طلاق بالتراضي ويتقابلو في المحكمه واي شروط محمد راضي بيها يعني وإتخانق هو واخواتها كانوا هيقتلوه لولا ستر ربنا والناس اللي حاشتهم عنه 
طيب وعم حسن وطنط نفيسه عملو ايه 
ابويا مخاصمه مش بيكلمه من يومها وامي مش عارفه تودي وشها فين من الڤضيحه والناس كلها بتتكلم عننا وانتي عارفه بلدنا صغيره كد ايه دا غير ضغطها اللي كل شويه والتانيه يعلى ومش بنعرف ننزله الا بالعافيه والوضع للاسف ما يطمنش وربنا يستر بقى
بصراحه انا حسيت بإحراج ما بعده إحراج ما لقيتش اي كلام أقوله حسيت اني اتحطيت في موقف زباله وكل دا بسببي انا هانطق أقول ايه بس !
ربنا يلطف بيه ويسترها معاكم يارب يا سلوى والمهم هو دا رقمي ابقي سجليه عندك وقولي لحياه اني محتاجه اتكلم معاها شويه لما تبقى فاضيه بالله تكلمني
سلوى ايوه افتكرت يا بسمه ! فيه موضوع عايزاكي فيه بصراحه من يوم الخطوبه وانا كل ما اتكلم مع حسام يجيبلي سيرته
موضوع ايه 
حماتي يا ستي ما لهاش سيره الا إنتي من يوم ما رجعت البيت وهي بتوصف فيكي وفي آخلاقك لرياض لدرجة أنه حبك من قبل حتى ما يشوفك وطلبو يعرفو رأيكم اذا موافقين ييجو هو واهله عشان يشوفوكي ها قولتي ايه 
انا كنت هاطق لما سمعت كلمة حماتها ما انا اصلا الوليه دي ما نزلتليش من زور ومن اول ما شوفتها قولت ايه في ايه يا سلوى !
اومال انا عماله اكلمك في ايه من الصبح يا بسمه قولتلك رياض عاوز يتقدملك وعلى فكره رياض اكبر من حسام واحلى منه وكمان مهندس وهنبقى انا وانتي سلايف 
انا بعصبيه يا سلوى انا مش بفكر في موضوع الجواز دا دلوقتي وارجوكي لو كلمك تاني قوليله ما عندهاش فون وما عرفتش اوصلها
ما عندكيش ازاي اومال الفون دا لا يا بسمه انا ما اقدرش أكدب على جوزي وبعدين انتي هتلاقي احسن من رياض فين !
كنت هطلعلها من التليفون اخنقها وانا بقول في نفسي اتنيلي يا شيخه انتي وسي رياض بتاعك دا انا محمد عندي بالف رياض 
رديت عليها بزهق خلاص خلاص هبقى افكر وما تنسيش تقولي لحياه تتصل بيا يلا سلام قفلت السماعه معاها وانا بالي مشغول بكلامها معقوله المچنون دا فعلا عملها وفض الجوازه ! أقول ايه ل امي طيب وبعدين الخبر كده كده هينتشر وهيوصل لعندنا ! لو ابويا حس بحاجه هيبقى آخر يوم في عمري ..وأخيرا قررت أقول ل امي
على فكرة انا النهارده كلمت سلوى وسألتها عن اخبارهم وهيا تسلم عليكي
أمي بشك هاه ! وبعدين 
وقالتلي انه محمد اخوها فعلا طلق مراته والوضع متلخبط عالاخر وعم حسن وطنط مخاصمينه
ردت امي بعصبيه ان شاء الله بس ما يفكرش يجي يتقدملك !
كلامها كان قاسې جدا جاوبتها پانكسار وقهر
مش عارفه بس هو أكيد هيتقدملي وساعتها يبقى كلمة ابويا هيا اللي تمشي