حب الطفولة

للداع
حبك بكل اخلاص غير كياني
فتحت شنطتي واديتهاله مش معايا برفان لكن معايا دي تنفع !وقالي دي تنفع قوي دلوقتي بس هقدر اطلع يلا تصبحي على خير يا حبيبتي 
وطلع على اوضته فرحان زي طفل صغير بلعبه جديده
قفلت الباب ويا دوب هروح مكاني رجع تاني فتح الباب
انا في ايه تاني !
جبتلك دي عايزك تحتفظي بيها 
اول ما شوفتها ارتبكت دي صورته اللي كانت جنب سريره ! الصوره دي انا بمۏت فيها ازاي فكر يديهاني بتوتر وقفلت الباب .
هو راح شغل الأغنيه بتاعتي وقعد يسمعها وانا قعدت جنب الباب غمضت عيوني وقعدت جنب الباب وفضلت ابكي بحرقه كان عندي احساس غريب اني مش هشوفه تاني وانه دا آخر لقاء ما بينا .. مش عارفه ازاي لقيت نفسي الصبح نايمه جنب الباب زي ما انا قومت بسرعه لمېت هدومي حطيتها في شنطتي وطلعت من غير ما حد يشوفني لقيت طنط نفيسه في المطبخ بتحضر الفطار استغربت لما شافتني بشنطة هدومي الصبح بدري خير يا بنتي رايحه فين عالفجر كده 
رايحه بيتنا يا طنط ومعلش انا آسفه على كل اللي حصل بسببي ما كانش قصدي توصل الأمور لحد كده
قالتلي بحزن انتي مالكيش ذنب يا بنتي انا عارفه ابني هو كده طول عمره مش ثابت على رأي بيحب ويمل بنفس السرعه وما تخافيش هو هيعقل ويرجع عن الجنان اللي هو فيه دا انتي بس خلي بالك من نفسك 
ماشي يا طنط يلا اشوف وشكم بخير
سافرت على بيتنا وانا بفكر في حجم الصدمه اللي هيكون فيها محمد لما يصحى ويعرف اني مشيت طول السكه قاعده ابكي ودموعي بتنزل ڠصب عني المهم وصلت بيتنا عيوني مورمه وخاېفه حد يشوفني ويحس بحاجه دخلت اتسحب على اوضتي مش عايزه حد يلمحني حطيت شنطة هدومي وطلعت اغسل وشي لقيت أمي قصادي مستغربه بسمه

! انتي إمتى رجعتي وإمتى وصلتي ومال وشك مخطۏف كده ليه وعيونك حمرا 
مفيش يا امي انا عايزه أنام بس لاني ما نومتش كويس
لا انتي اكيد مخبيه عني حاجه قوليلي ايه فيه خضيتيني 
طيب لما اصحى هبقى اقولك انا تعبانه دلوقتي ومش قادره اتكلم سيبيني أناملي ساعتين .
روحت رميت نفسي عالسرير وحاولت ما افكرش في اي حاجه خالص غمضت عيوني والنوم خدني ..
لما صحيت لقيتها قاعده مستنياني على ڼار
هاه !! ايه اللي حصل خلاكي ترجعي بالسرعه دي مش قولتي إنهم عندهم فرح وعاوزينك !
حصلت مشكله مع ابنهم والجو اتكهرب خالص ومكنش فيه لزوم لقعدتي هناك
وايه اللي حصل مع ابنهم 
عايز يطلق مراته قبل ما يدخل عليها والامور اتكركبت ما بينه وبين اهله ..
يا نهار اسود وهيا بنات الناس لعبه في ايده ولا ايه طبعا ما هو متهور ومچنون واكيد يعملها ! ماشي بس ايه الحكايه بردو انتي مالك بيهم 
بارتباك اناااا مكنتش عايزه الوضع يتأزم اكتر فرجعت..بصراحه وبعد ما بلعت ريقي قولتلها
الحقيقه هو كان عاوز يطلق مراته بسببي انا ومن وقت ما روحت عندهم وهو بيلاحقني في كل مكان زي خيالي ولو كنت فضلت اكتر من كده كان هيتجنن ويا عالم ممكن يقدر يعمل ايه !
يا نهار مش فايت ! روحتي خربتي بيت الناس يا بسمه هيا دي اخرة تربيتي فيكي يا بنتي 
اعمل ايه بس يامي هو شافني وحبني أقوله ما تحبني يعني 
طيب وهو فاكر أنه حتى لو طلقها هيتجوزك مين اصلا اللي هيرضى يجوزك ليه ! دا واد صايع وبتاع نسوان وماشي علي حل شعره وكل العيله عارفه عنه كده !
وما توافقوش ليه مش يمكن يتغير 
يتغير ايه دا ديل الكلب عمره ما يتعدل وبعدين شوفي نفسك انتي فين وهو فين 
كلام امي عصبني لدرجة اني رفعت صوتي من غير ما احس بنفسي ليه بقااا هو ناقصه إيد ولا رجل مثلا !
لا يا نبيهه ناقصه علام انتي خريجة جامعه وهو جاهل يعني مش من مستواكي .
وماله يامي يعني ما هو راجل زي كل الرجاله ويمكن احسن كمان ! أمي انتبهت على طريقة كلامي قامت من زمارة روحي وجزت على سنانها هو فيه ايه بالضبط ! ايه اللي انتي مخبياه عني يا مقصوفة الرقبه !!
ما عرفتش اخبي وانهرت بالعياط بحبه يامي بحبه ومن زمان !! من غير تفكير وبكل عزمها راحت ضارباني بقلم علي وشي اخرسي يا قليلة الحيا هيا حصلت تحبيييي واحد وعرهه زي دا كمان انتي الف مين يتمناكي كفايه إنك بس بنت سيد القناوي على سن و 100 رمح بس انا مش عايزه حد تاني غيره وعمري ما اتخيلت نفسي الا معاه طول عمري مستنيه اليوم اللي يحس فيه بيا واهو جا اليوم دا ليه عاوزين تبعدوني عنه ليييه! 
يتبع طلعت أمي وقفلت علي الباب وقالتلي خروج من البيت تاني مفيش ولما تعقلي يبقى اخليكي تطلعي وسابتني قاعده ب اندب حظي فضلت افكر يا ترى