حب الطفولة

افكر في محمد ولا اجيب سيرته حتى لو كان مع نفسي لاني خلاص بقيت ملك راجل تاني ملك أحمد
قاومت نفسي ومكانتش حاجه بسيطه دي يعني دا كانت حكايه شبه مستحيله اني امسح حب 9 سنين من قلبي وما افكرش فيه ولو تفكير سطحي
بس مادام الموضوع ليه علاقه بالشرع يبقى مفيش حاجه بيدنا نقدرو نعملوها ولازم اشيله من دماغي نهائي ولو بضړب الجزمه لأنها دي اسمها خېانه والعياذ بالله منها !!
أحمد كان مستعجل عايز يتمم الفرح بعد شهرين من الخطوبه كانت كل حاجه عاديه بالنسبالي مبقاش يهمني خلاص شهرين سنتين كله سواء .
مش يمكن دا اصلا قدري ! هو فيه حد يقدر يهرب من قدره !! يمكن كنت جبانه وما قدرتش ادافع عن حبي بس ايه اللي كان في يدي انا بنت وعايشه في مجتمع شرقي ايه اللي كان في إيدي بس اعمله وما عملتوش ! مش ندمانه على حاجه وما دمت صليت استخاره يبقى دا اللي كان ربنا عاوزه يكون .
كنت بشوف الحاضر والمستقبل وبقول يمكن خير احمد خطيبي انسان كويس وعمره ما عرف ستات ويعرف ربنا زين يمكن حياه معاها حق ربنا عايزني اكون لواحد يستاهلني ومش مكتوبلي اكون لاخوها ! قررت استسلم لواقعي ورضيت بيه زوج وسلمت امري لله .
لقيت الباب بيخبط بصت امي ولقيتها فتحت وهيا بترحب بيه اهلا يا أحمد دا زارتنا البركه بزيارتك يا بني فضلت متسمره مكاني وانا شايفاه واقف قصادي ولاول مره يبصلي من غير كسوف ولا انا اتكسف منه ! بصينا في عيون بعض وكانت اول مره اشوفه فيها عن واعرف انه عيونه بالجمال دا وهو كمان كانت اول مره يشوفني فيها بلبس البيت ومن غير حجاب ما هو اصلا كان زوجي بس ما رجعش البيت من يوم كتب الكتاب .
هما كلهم مرتين ثلاثة اللي انا شوفتهم فيه عن من يوم الآجازه يوم كتب الكتاب ويوم كتابة عقد الجواز في السجل المدني وحتى يومها كمان ما لحقتش اشوفه اصلا لانه ابوي كان قاعد وسطينا ومصربعنا مستعجل وكل شويه يقول امتى نخلص العقد عشان يرجعني البيت لأنه كان مرتبط بميعاد مهم
سابتنا أمي قاعدين في الصالون وراحت تجيبله عصير لاقيته فجأة بيقولي ازيك يا بسمتي 
يتبع
انا بسمتي !! هو بجد ناداني بسمتي بس انا محدش بيقولي بسمتي غير محمد اخدت دقيقه كده ساكته بفكر مع نفسي ! افتكرت محمد ووشي قلب فجأه شافني سكتت لما نطقها افتكر اني زعلت لأنه دلعني قام إتخض وإتلبك وعدل قعدته وصوته وقالي انا آسف طلعت مني بدون شعور والله .
انتبهت على ارتباكه حاولت الطف الموقف لا لا ولا يهمك دا انا حتى في مقام مراتك وابتسمت وهو ضحك من قلبه لما قولتله الكلام دا .
قعدنا انا وهو ومكنتش عارفه هو جاي ليه وما اتجرأتش اسأله بس مش عارفه انا ليه كنت مبسوطه اني شوفته ! وكنت قاعده معاه وقلبي بيدق معقوله لحقت انسى محمد بالسرعه دي مشاعري كانت متلخبطه مبقتش عارفه انا عايزه ايه بالضبط ولا بحب مين لاني اخذت وقت طويل لوحدي قافلة على نفسي و كنت في صراع نفسي رهيب في محاولة مني اني اسيطر على احاسيسي و اتاقلم مع الوضع الجديد و هو اني بقيت على ذمة راجل لقيته فجأه بدأ يتكلم ووشه في الأرض بسمه انا عارف انك مش متعوده عليا ولسه كمان مكسوفه مني عشان كده انا عاوز اطلع انا وانتي نروح سوا على أي مكان يعجبك ونتكلم براحتنا ونتعرف على بعض شويه مش عايزك تحسي بانزعاج اننا إتجوزنا بالطريقه دي من غير ما نعرف بعض حتي قولتي ايه 
بصيتله بكسوف هقولك ايه يعني ! ما انت جوزي شرعا وقانونا وأكيد تقدر تشوفني يعني متى ما تكون عاوز 
خلاص يبقى نطلع بكره واهو نتفق بالمره على معاد الفرح .
طيب اللي تشوفه يا أحمد .
اول ما نطقت اسمه لقيت عيونه لمعت لمعان غريب ووشه أحمر ربنا ما يحرمني منك يا بسمه وحط ايده على كتفي فجأة لقى أمي داخله بالعصير وهيا بتبصلنا وبتبتسم كسفت الراجل قام متلخبط ومن كتر ما اتلخم قالها همشي انا دلوقتي يلا تصبحو على خير واحنا كنا لسه الصبح 
وما عرفش الباب اللي المفروض يطلع منه اصلا منين

انا كنت ھموت من الضحك وامي وصلته وجايه فطسانه وهيا بتقولي يخربيت كسوفه دا بيختشي اكتر من البنات ! 
على فكرة هو عايزني اطلع معاه .
وليه لا دا انتي حتى محتاجه تشتري شوية حاجات واهو تجهزي نفسك فرحك قريب .
طلعنا زي ما اتفقنا وروحنا اشترينا شوية حاجات وبعدين دخلنا جنينه حلوه اخترنا مكان هادي وقعدنا فيه وكل واحد فينا مستني التاني يبتدي كلام فجأة قولت انا وهو في نفس الوقت اناااا 
ضحكنا على بعض بعدين قولتله اتفضل انت