رواية منة
المحتويات
عايشة
يامن بهدوء مقسما على إيجادها
متقلقيش إن شاء الله هعرف كل حاجة عنها وهنوصلها
واستطرد بهدوء نظرا لعينيها يتأمل فتنتها محاولا أن ينسيها أو على الأقل يصرف انتباهها
وعينيه ترسل النظرات الحانية العاشقة لعينيها كأنه يضمها بنظراته
ألم أخبرك قبلا أن الدمع لم يلق يوما بعينيك
وإن ذرفت عيناك دمعة سأضمها
فيا قرة القلب تعالي إلي حضڼي لتكون ساكنته
فهمومك هي همومي
غمك هو غمي
وحزنك هو حزني
فيوما ما سينتهي كل هذا وما سوف يبقى هو عشقي لكي
كانت كلماته كالبلسم تطيب چروح قلبها هذا الرجل لا يستحق منها أن تؤلمه ولو بكلمة فابتسمت بهدوء تنفض عنها حزنها فهي تعلم أنه يتألم لألمها
ليل بمزاح وهي تبتسم بهدوء
والله إنت فايق وأنا المفروض أروح دلوقتي أقعد مع الضيوف أكيد نينا اتضايقت إني سيبتهم ومشيت
لو إنتي حابة متقابليش حد وعايزة ترتاحي شوية
إطلعي وأنا هعتذرلهم بدالك هقولهم إنك تعبانة شوية
ليل بهدوء وهي تشعر بقلبها يكاد ينفجر من عشقه
فهو يراعي مشاعرها بشدة
لا أنا كويسة جدا هغسل وشي بس وهروح ليهم
تمام بس خلي بالك من نفسك ولو حسيتي إنك مش مرتاحة اطلعي على الأوضة وأنا هجيلك على طول
مرر يده على ظهرها بحنان
يامن بهدوء وحنان جارف
متقلقيش هفضل جنبك لآخر نفس فيا
اقتربت منه مقبلة خده برقة متناهية علها ترد بها ولو جزءا بسيطا من الشعور الذي يشعرها به ثم فرت من بين يديه بسرعة متجهة للخارج
.........
فور خروجها قابلت الحاجة فاطمة وهي في طريقها لمكتبه
ينفع تتأخري الوقت ده كله والناس جاية تشوفك وتسلم عليكي
ليل باعتذار وهي ترد عليها بصوت هادئ
آسفة يا نينا بس اتشغلت مع يامن شوية وجدو كان موجود فكنت بسلم عليه
الحاجة فاطمة بابتسامة هادئة
خلاص مفيش مشكلة روحي المطبخ للبنات قوليلهم يبدأوا يحطوا الأكل ويجهزوا الحلويات والعصير وتعالي بعدها سلمي على الكل
أومأت ليل بهدوء
ليل بهدوء
حاضر بس المطبخ فين
الحاجة فاطمة بهدوء
بعد أوضة السفرة على إيدك الشمال
أومأت بهدوء متجهة نحو المطبخ تحمد ربها أنها لن تضطر للحديث ولو لبعض الوقت
عند دخولها للمطبخ تفاجأت بوجود لبنى تصرخ بصوت عالي وهي تلقي الأوامر هنا وهناك
ليل بهدوء للخدم متجاهلة وجودها
لبنى پغضب وصوت عالي
وإنتي مين علشان تقولي إيه اللي المفروض يتعمل ولا ميتعملش أنا هنا اللي أقول وبس
لم ترد ليل عليها واكتفت بتوجيه حديثها للخادمة
طلعي السلطات الأول
وبعدها بقيت الأكل علشان ميبردش على ما الناس يقعدوا على السفرة
أومأت الخادمة بهدوء
لبنى بخبث مدعية الحديث للخادمة الواقفة بجوارها
إنتي عارفة الست اللي تسرق واحد متجوز من مراته يبقا اسمها ايه بيبقا اسمها حرباية
ليل بصوت هادئ ونبرة قوية
مش لما تكون اللي هو متجوزها دي ست أصلا
ارتفعت أصوات ضحك الخادمات بينما الأخريات
بنظرن بحذر لتلك الحړب الجارية
صړخت لبنى بقوة وهي تستشيط ڠضبا
كل واحدة على شغلها أما إنتي بقا فهو لو كان عاملك قيمة كان قال للكل اللي هو متجوزك
وبعدين محدش عارف أصلك إيه ولا إنتي لفيتي عليه إزاي
ابتسمت ليل بخبث وهي تحمل كوبا من العصير ترتشف منه بهدوء
لمعلوماتك العظيمة أنا ملفتش على يامن هو اللي جالي لحد عندي وطلب يتجوزني من تاني مرة شافني فيها
وأكملت بهدوء وهي تصطنع الانشغال بكوب العصير
العصير ده ناقصه حاجة
تحركت بخطوات بسيطة وهي تصطنع التعثر في خطواتها ملقية بمحتوى الكوب على ملابسة
ليل بخبث وصدمة مصطنعة وهي تضع يدها فوق شفتيها
مكنش قصدي اتكعبلت
عضت على شفتيها بقوة تمنع نفسها من الضحك وهي تخرج مسرعة من المطبخ تسمع صوت صړاخها العالي
........
فور دخولها لغرفة الإستقبال مرة أخرى
ليل بابتسامة هادئة
آسفة يا جماعة لو اتأخرت عليكم مرة تانية
الحاجة فاطمة بابتسامة عريضة
تعالي يا ليل سلمي على منى وعزة عمات ليل
ودول بناتهم سارة وآية وإيمان
أومأت ليل بهدوء وهي تتجه لهم بابتسامة واسعة
تسلم عليهن الواحدة تلو الأخرى وهي تلقي عليهم كلمات الترحيب المعتادة
منى بنظرة باردة
بس محدش قالنا يعني إن يامن إتجوز على لبنى
الحاجة فاطمة بنظرة محذرة
منى أنا قولت إيه قبل كده
قاطعتها ليل بهدوء وابتسامة هادئة
عادي يا نينا سبيها تقول اللي هي عايزاه من حقها تتضايق بس أنا حابة أقول لحضرتك إن الجواز حصل بسرعة وأضافت بخبث أصل يامن كان مستعجل أوي فعملنا كتب الكتاب على طول وملحقناش نعزم حد
منى بابتسامة باردة
أنا مش عارفة هو ساب بنت عمه ليه وبصلك إنتي إزاي وبعدين لو كان عايز يتجوز كنا إحنا اختارنا العروسة
ليل ببرود وابتسامة هادئة
والله موضوع هو ساب بنت عمه ليه فده يخصه
أما بقا بالنسبة لموضوع إختارني ليه ومخلكمش تختاروا فممكن لأنه مثلا بيحبني وبعدين إنتم تختاروا مراته ليه مش المفروض هو اللي يختار اللي هو عايز يعيش معاها ولا إيه رأي حضرتك
كادت أن ترد عليها لكن أسكتها يد أختها التي قبضت على يدها
عزة بابتسامة هادئة ونظرة محذرة
أظن كفاية كده أسئلة يا منى وهمست بصوت منخفض
بطلي الجنان ده وبعدين مالك ماسكة البنت من ساعة ما ډخلتي اهدي شوية
دخلت الخادمة بهدوء
الأكل جاهز يا حاجة فاطمة
الحاجة فاطمة بهدوء
يلا يا بنات الأكل جاهز ثم وجهت كلامها للخادمة
نادي على راغب ويامن
أومأت الخادمة بهدوء وهي تتجه للخارج...
توجه الجميع لصالة الطعام بينما سارت ليل بخطوات بطيئة بجوار الحاجة فاطمة
ليل بصوت منخفض
آسفة لو رديت بقلة زوق عليها وحضرتك موجودة
الحاجة فاطمة بهدوء وصرامة
محصلش حاجة وكويس إنك خدتي بالك إن اللي عملتيه غلط بس مش عايزاه يتكرر بعد كده
أومأت ليل بابتسامة هادئة ولكنها سرعان ما تحولت لأخرى خبيثة وهي تتذكر إلقائها للعصير على ملابس لبنى والتي يبدو أنها جديدة
دخل يامن يليه راغب لقاعة الطعام
فألقى التحية على الجالسين وهو يتوجه للجلوس على رأس الطاولة وبجواره ليل وفي الناحية الأخرى جدته
بدأ الجميع تناول الطعام بهدوء حتى تحدث راغب
راغب باستغراب
أمال لبنى فين
لم تستطع ليل منع نفسها من الضحك فتظاهرت بأنها تسعل بقوة
نظر لها يامن بريبة وشك وهو يقرب كوب الماء منها
أخذت كوب الماء تشرب منه بهدوء محاولة عدم الضحك مرة أخرى
الحاجة فاطمة بهدوء
أنا مشفتهاش من وقت ما قولتلها تروح المطبخ تشوف البنات بيعملوا ايه وجهت كلامها لليل
شوفتيها يا ليل وقت ما قولتك روحي المطبخ
ليل ببرائة كأنها لم تفعل شيئا
لا مشوفتهاش يا نينا ده أنا حتى خرجت بسرعة
لا يعلم لما يراوده الشك فيما تقوله فتلك الضحكة ليست من فراغ
مر بقية اليوم بهدوء
وهي تتحدث مع بنات عماته وتتعرف عليهن ظلت تتبادل الحديث معهن حتى
انتهاء الزيارة
بعد خروج عودة الجميع لمنازلهم رأت لبنى وهي تنزل الدرج بخطوات هادئة تسلط نظرها عليها پغضب
رأتها تتجه لمكان جلوس يامن
لبنى بخبث مدعية الحزن
يعني ينفع اللي مراتك عملته ده
نظر لليل الصامتة باستغراب ثم وجه كلامه للبنى
يامن بهدوء
عملت ايه
لبنى مدعية البكاء
يعني ينفع تشتمنى وتغلط فيا قدام الخدم وكمان تكب عليا العصير بقصدها
وجه يامن نظراته الثاقبة لليل
ليل بهدوء وهي تبتسم له ببرائة
تصدق إني ممكن أعمل كده ده أنا اتكعبلت والعصير وقع عليها بالغلط وأكملت تصبحوا على خير أنا تعبانة أوي ومش قادرة أقعد أكتر من كده
وقفت من مكانها تحت أنظاره الثاقبة يتابع حركتها بهدوء
صعدت السلالم بخطوات راكضة تتمنى بداخلها ألا يغضب من تصرفاتها
بينما أكملت الأخرى وهي تقص عليه ما حدث بنبرة باكية متجنبة ذكر كلامها
قاطع كلامها صوت اتصال هاتفه
يامن بهدوء وهو ينظر لهاتفه فهذا الإتصال خاص بالعمل
تمام يا لبنى هشوف الموضوع ده بعدين
ثم اتجه للدرج متوجها لغرفته بينما يتحدث في الهاتف
يامن بهدوء
ألو
أتاه الرد من الجهة الأخرى
يامن بيه كنت عايز أبلغ حضرتك إن الإجتماع اللي هنعلن فيه مين اللي خد الصفقة هيبقى بكرة الصبح
يامن بهدوء وهو يفكر في حل لتلك المعضلة
تمام الإجتماع هيبقى الساعة عشرة الصبح
يامن بهدوء وهو ينظر في ساعته
تمام هبقا موجود في الميعاد إن شاء الله بكرة
ثم أغلق الهاتف مودعا إياه
فتح باب الغرفة بهدوء فوجدها نائمة على السرير تخفي وجهها بالغطاء
توجه لخزانة ملابسه يسحب أحد بدلاته ثم توجه للحمام ليأخذ حماما باردا
قفزت من السرير بسرعة وهي تقف أمامه
ليل باستغراب
إنت لابس كده ورايح على فين دلوقتي
يامن ببرود متجنبا النظر لها
الإجتماع بخصوص المناقصة بكرة الصبح ولازم أسافر دلوقتي وقبل ما تقولي هاجي معاك بقولك لا
مفيش خروج من هنا
قال كلماته وهو يعدل ربطة عنقه
شعرت بالڠضب وهي تراه يتجنب النظر لها ويعاملها ببرود
ليل بنبرة ناعمة وهي تلف يديها الناعمة حول عنقه
يعني هتسبني هنا لوحدي وهتسافر
نظر لها بطرف عينه محاولا عدم التأثر بنظرتها الناعسة
يامن بهدوء وهو يحيط خصرها النحيل بقوة
هبقا موجود على بكرة بليل ولحد ما أرجع تكوني فكرتي في اللي عملتيه مع لبنى ده صح ولا غلط علشان إنتي غلطتي في حقها
شعرت بالغيرة والغيظ تتملكها
طيب وكده أنا لسه غلطانة برده
ابتلع لعابه بصعوبة بسبب تأثيرها عليه
نعم
ليل بهدوء وهي تبتسم له بعشق
تروح وترجع بالسلامة يا حبيبي
نظر لها بزهول فهو كان في عالم آخر
لكنه استدرك نفسه وهو يبتسم
يامن بخبث وابتسامة واسعة
كلها كام ساعة وراجعلك وساعتها هعرفك إن الله حق على اللي إنتي عملتيه ده
ثم اتجه لخارج الغرفة بينما هي تنظر لأثره بزهول
فهي لم تتوقع أنه على عجلة من أمره لهذه الدرجة
ولكنها تمنت من داخل قلبها أن يعود سالما
.......
جلس الجميع في قاعة الإجتماع وكأن على رؤسهم الطير فالجميع إنتهى من تقديم عروضه
ينتظرون إعلان اسم من أخذ هذه المناقصة
رئيس مجلس الإدارة بصوت عالي ونبرة قوية
المناقصة من نصيب. .........
يتبع
الفصل الرابع والعشرون
جلس الجميع في قاعة الإجتماع وكأن على رؤسهم الطير فالجميع إنتهى من تقديم عروضه
ينتظرون إعلان اسم من أخذ هذه المناقصة
رئيس مجلس الإدارة بصوت عالي ونبرة قوية
المناقصة من نصيب يامن الأنصاري
الصدمة حلت على الجميع
أما جابر كان في عالم آخر وكأن أحدا سكب دلوا من الماء البارد فوق رأسه
بعد انتهاء الإجتماع خرج الجميع منهم المحمل بالخيبةالإحباط والجزء الأهم هو الڠضب
وقف يامن بجواره وعلى وجهه ابتسامة شامتة
يامن بخبث وصوت هامس
قولتلك قبل كده مبحبش شغل الحركات الوس....... دي بس إنت مصر اشرب بقا
إلتفت له جابر پغضب شديد يقبض على عنقه
جابر پغضب وصوت عالي
وحياتك آخرتك هتبقا على إيدي متستعجلش موتك كده
نفض يامن يده پعنف وهو يلكمه بقوة في أنفه جاعلا إياه يجلس على ركبتيه من قوة لکمته
يامن بغموض وهو يبتسم بخبث
لا متقلقش آخرتك إنت اللي قربت
وتركه متجها لوجهته وهو يبتسم بخبث شديد
خرج يامن من الشركة فوجد ذاك الشاب في إنتظاره أمام باب سيارته
يامن بهدوء وهو يده بحقيبة متوسطة الحجم
دي فلوسك أظن كده خالصين مش عايز ألمح خيالك تاني وإلا ورحمة أمي ما هسيبك يوم عايش
زكي بهدوء وابتسامة متسعة
اطمن يا باشا أنا هختفي مش من
متابعة القراءة
